ახლახან ცნობილი მხატვარი ირაკლი სუთიძე გარდაიცვალა.
“69 წლის ასაკში გარდაიცვალა გამორჩეული ქართველი ფერმწერი და გრაფიკოსი – ირაკლი სუთიძე.
ქართული სახვითი ხელოვნების მუზეუმი დიდ მწუხარებას გამოთქვამს მხატვრის გარდაცვალების გამო და უსამძიმრებს მის ოჯახს.
ირაკლი სუთიძე ქართველ მხატვართა 80-იანელთა თაობის წარმომადგენელი იყო. მხატვრის წარმოსახვითი, მშვიდი და ნარატივისგან დაცლილი სცენები მკაფიოდ ინდივიდუალურ და დასამახსოვრებელ ხელწერას ქმნის. მის მონუმენტურ ტოლოებზე რეალობა და დრო უკუგდებულია. ნამუშევრებში იკვეთება როგორც აბსტრაქტული, ისე სიმბოლისტური ელემენტები, ხშირად ვხვდებით რელიგიურ-მითოლოგიურ სცენებს.
ქართველი ფერმწერის ნამუშევრების დიდი კოლექცია დაცულია ქართული სახვითი ხელოვნების მუზეუმში.” – წერს “ქართული სახვითი ხელოვნების მუზეუმი” სოციალურ ქსელში.