აქციის მონაწილეები პარლამენტის შენობიდან კანცელარიისკენ დაიძრნენ.
1-საათიანი ვადის გასვლის შემდეგ, აქციის ორგანიზატორებმა, პოლიტიკოსებთან ერთად, სამოქმედო გეგმა წარადგინეს:
“ახლა, ჩვენთან ერთად, მშვიდობიანად, მშვიდად, წყნარად ავიდეთ სახელმწიფო კანცელარიასთან და მოვითხოვოთ, გამოვიდეს პრემიერმინისტრი და დაგველაპარაკოს. ჩვენ ვართ მშვიდობიანი მანიფესტანტები, მშვიდობიანი დემონსტრანტები, არ აყვეს არავინ პროვოკაციას, წავიდეთ, მივიდეთ და მოვითხოვოთ ამ კანონის უკან დაბრუნება და დაკავებულების გათავისუფლება”, – მიმართა აქციის მონაწილეებს ლევან ცუცქირიძემ.