16 აპრილს ე.წ. “რუსულ კანონთან” დაკავშირებით გამართულ აქციაზე ადგილი ჰქონდა მშვიდობიანი მოქალაქეების მიმართ ფიზიკურ და სიტყვიერ შეურაცხყოფას.
სპეცრაზმელები “პუბლიკის” ჟურნალისტს, ალექსანდრე ქეშელაშვილს, ფიზიკურად გაუსწორდნენ. გამოცემა პუბლიკა წერს, რომ პოლიციელებმა ალექსანდრე ქეშელაშვილს პროფესიული მოვალეობის შესრულების დროს სცემეს. ქეშელაშვილის ცნობით, პოლიციამ მას წაართვა ტელეფონიც, თუმცა შემდეგ უკან დაუბრუნეს. ასევე გაუსწორდნენ “ტაბულას”ჟურნალისტს გიორგი ბადრიძეს. მისივე თქმით, სპეცდანიშნულების რაზმის წევრებმა პირადი მობილური წაართვეს, როცა ის სამსახურეობრივ მოვალეობას ასრულებდა და აქციას იღებდა.
ცნობილი ხდება, რომ პოლიცია ფიზიკურად გაუსწორდა მოძრაობა სირცხვილიას წევრს მარიამ დოლიძეს, რის შედეგადაც, მან იდაყვის ტრავმა მიიღო და ოპერაცია ჩაუტარდება. მთავარი გამზირის მიმდებარე ტერიტორიებზე, ვიწრო ქუჩებზე სამართალდამცველებმა სასიკვდილოდ სცემეს მშვიდობიანი მოქალაქეები. იხილეთ ვიდეო
გავრცელებული ინფორმაციით, გუშინდელ აქციაზე დააკავეს 14 ადამიანი. ვიდეოკადრებში ჩანს, თუ როგორ უსწორდება საამართალდამცველთა ჯგუფი 26 წლის თორნიკე მარუაშვილს, ის სკოლის მასწავლებელია. მარუაშვილს ოჯახის წევრები და მეგობრები მთელი ღამის განმავლობაში ეძებდნენ, რამდენიმე საათის წინ კი ბოკერიას სახელობის საუნივერსიტეტო ჰოსპიტალში იპოვეს, მას ტვინის შერყევა აქვს.