“ნუ დაგვიხოცავთ შვილებს, ნუ წაართმევთ მომავალს!!! არა რუსულ კანონს!!!”– ასე ეხმიანება მოკლული 22 წლის ნიკო კვარაცხელიას დედა იზა ომაძე რუსული კანონის საწინააღმდეგო პროტესტს.
ამ წუთებში, საკანონმდებლო ორგანოსთან ვითარება დაძაბულია. სამართალდამცველებმა აქციაზე ე.წ. წიწაკის სპრეი რამდენიმე წუთის წინ გამოიყენეს.
სპეცრაზმელების მიერ, პარლამენტთან, ე.წ. წიწაკის სპრეის გამოყენების შედეგად, რამდენიმე აქციის მონაწილე დაშავდა, მათ შორის – „კურიერის“ ოპერატორი.
აქციაზე სამართალდამცავებმა 11 პირი დააკავეს.