მეტეოროლოგი კობა ფარტენაძე მომავალი კვირის ამინდის პროგნოზს გვიზიარებს.
“ზაფხულის სიცხე და უამრავი მზის სხივი, ასეთია მომდევნო კვირის ამინდის პროგნოზი ორშაბათიდან საქართველოში გამოიდარებს და დაიწყება ხანგრძლივი პერიოდით მზიანი დღეები, კვირის შუა პერიოდში, (ოთხშაბათი-ხუთშაბათი) უფრო ძლიერი იქნება ანტიციკლონის ზემოქმედება, რომელიც უღრუბლო და მზიან ამინდს განაპირობებს, ამიტომაც ტემპერატურა მკვეთრად მოიმატებს.
ასე, რომ მომდევნო კვირის ცალკეულ დღეებში – დასავლეთ საქართველოში +31, +33 გრადუსამდე დაცხება. სანაპირო კურორტებზე +29, +31 გრადუსამდე მოიმატებს ტემპერატურა. აღმოსავლეთის ბარში კი +27, +29 გრადუსი დაფიქსირდება. შესაბამისად მომდევნო დღეებში, განსაკუთრებით დასავლეთში ცივი დღეებიდან პირდაპირ ზაფხულის სიცხეში გადავაბიჯებთ. ვნახოთ როგორ დაიწერება ამინდის ისტორია და რამდენათ შეიცვლება სტატისტიკური ჩანაწერები სამომავლოდ. გისურვებთ სასიამოვნო დღეებს და ტკბობას მზიანი ამინდით“ – წერს მეტეოროლოგი.