ბავშვთა საავადმყოფოებში მიმართვიანობის მატების კიდევ ერთი მიზეზი ყივანახველას შემთხვევების მატება გახდა.
კლინიკებში პაციენტები, ხშირ შემთხვევაში, მხოლოდ იმ დროს ხვდებიან, როცა მდგომარეობა ფილტვების ანთებით რთულდება.
ამ ვირუსული ინფექციის გავრცელება კონტროლირებადი, თუმცა მნიშვნელოვნად საყურადღებოა. ამას სტატისტიკური მონაცემებიც ამტკიცებს. უკვე 235 დადასტურებული შემთხვევა გამოვლინდა, როცა გასულ წელს ამავე ვირუსით მხოლოდ 19 ადამიანი იყო ავად.
“ყივანა ხველას ხშირად ასდღიან ხველასაც ეძახიან, რაც მიუთითებს, რომ ეს დაავადება ხველის განსაკუთრებული გახანგრძლივებით გამოირჩევა. ასევე სუნთქვის გაძნელებით, შეტევითი ხასიათის ხველით. მკაფიოდ გამოხატული ყივილის მსგავსი ხმიანობით და საკმაოდ სერიოზული ზეგავლენის მომხდენია ბავშვის ცხოვრების ხარისხზე. უნდა ვიცოეთ, რომ მედიკამენტი ამ დროს არაეფექტურია” – აცხადებს პედიატრი, თსსუ პროფესორი ივანე ჩხაიძე რუსთავი ორთან საუბრისას.
ექიმები შემთხვევების კიდევ უფრო მეტ ზრდას ელოდებიან.