საქართველოს აგრარული უნივერსიტეტის პროფესორი, ღვაწლმოსილი მეტყევე მეცნიერი და პედაგოგი თეიმურაზ კანდელაკი გარდაიცვალა. სამწუხარო ინფორმაცია სოციალურ ქსელში ვრცელდება.
“გარდაიცვალა თეიმურაზ კანდელაკი, საქართველოს აგრარული უნივერსიტეტის პროფესორი, ღვაწლმოსილი მეტყევე მეცნიერი და პედაგოგი.
სატყეო დარგის განვითარებაში შეტანილი მნიშვნელოვანი წვლილის, ხანგრძლივი და ნაყოფიერი სამეცნიერო და პედაგოგიური მოღვაწეობისთვის პროფ. თემურაზ კანდელაკი დაჯილდოებული იყო ღირსების ორდენით და მინიჭებული ჰქონდა საქართველოს დამსახურებული მეტყევის წოდება. იყო 170-მდე სამეცნიერო ნაშრომის, მათ შორის 15 მონოგრაფიისა და სახელმძღვანელოს ავტორი.
ბატონი თეიმურაზის გარდაცვალებით გამოწვეული დანაკლისი აუნაზღაურებელია სატყეო დარგისთვის.
საქართველოს აგრარული უნივერსიტეტის ვ. გულისაშვილის სატყეო ინსტიტუტის და პირადად ჩემი სახელით გამოვხატავ დიდ მწუხარებას და ვუსამძიმრებ მის ოჯახს, ახლობლებსა და კოლეგებს.
მშვიდად განისვენოს თქვენმა სულმა ბატონო თემურ, მადლობა თქვენი ღვაწლისთვის🖤
პანაშვიდი: 9,10 აპრილი
მისამართი: ნუცუბიძის ქ 26ა, მე-2 სად, 4 სართ.
დაკრძალვა: ხუთშაბათი, 11 აპრილი, 14:00 საათი
ამაღლების ტაძარი (საბურთალოს სასაფლაო)”