საქართველოს ეროვნული ნაკრებისა და მოსკოვის “ლოკომოტივის” ფეხბურთელმა ზაზა ჯანაშიამ რუსულ metaratings-თან საუბარში განაცხადა, რომ ხვიჩა კვარაცხელიას რუსეთში გატარებული პერიოდი ფიზმომზადების კუთხით ძალიან დაეხმარა, რომ არა რუსეთის ჩემპიონატში თამაში, ხვიჩა ასეთი ბრწყინვალე ფეხბურთელი ვერ გახდებოდა.
შეგახსენებთ, რომ კვარაცხელია რუსეთის ჩემპიონატში მოსკოვის “ლოკომოტივისა” და ყაზანის “რუბინში” თამაშობდა. რუსეთის პრემიერ ლიგაში 76 მატჩი ჩაატარა. 10 გოლი გაიტანა და 18 საგოლე გადაცემა განახორციელა. რუსეთის მიერ უკრაინაში დაწყებული ინტერვენციების შემდეგ ხვიჩა დროებით საქართველოში დაბრუნდა და 2022 წლის ზაფხულში “ნაპოლისთან” ხუთწლიანი კონტრაქტი გააფორმა.