დაბა ბაკურიანში იპოვეს ზვავში მოყოლილი 48 წლის დიმიტრი გოგოლაძის ცხედარი. ამის შესახებ ინფორმაციას საგანგებო სიტუაციების მართვის სამსახური ავრცელებს.
“ღრმა მწუხარებას გამოვთქვამ დაბა ბაკურიანში ზვავში მოყოლილი დიმიტრი (დიტო) გოგოლაძის გარდაცვალების გამო.
28 მარტს დიმიტრი მეგობრებთან ერთად ბურანების ტურში იმყოფებოდა, როდესაც მთის ფერდობიდან თოვლის მასა ჩამოიშალა და სამწუხაროდ დიტოს სიცოცხლე იმსხვერპლა. 4 ადამიანი კი გადაურჩა ამ უბედურ შემთხვევას.
მინდა, მადლობა გადავუხადო საგანგებო სიტუაციების მართვის სამსახურის მეხანძრე-მაშველებს, ბაკურიანის მაცხოვრებლებს და დიტო გოგოლაძის მეგობრებს რომლებიც, რთული მეტეოროლოგიური პირობებისა და რელიეფის მიუხედავად, 4 დღის განმავლობაში, ინტენსიურად ეძებდნენ ზვავში მოყოლილ პიროვნებას.
სსიპ “ბაკურიანის განვითარების სააგენტოს” სახელით ღრმა მწუხარებასა და თანადგომას ვუცხადებ დიმიტრის ოჯახს, მეგობრებსა და ახლობლებს, სრულიად ბაკურიანს.
ეკატერინე ორჯონიკიძე
სსიპ “ბაკურიანის განვითარების სააგენტოს” თავმჯდომარე”