ესპანეთის ნაკრების ყოფილმა მცველმა სერხიო რამოსმა მერაბ დვალიშვილს საქართველოს ეროვნული ნაკრების ისტორიული გამარჯვება პირადად მიულოცა. ამის შესახევ UFC-ის ქართველი მებრძოლი სოციალურ ქსელში წერს.
“სერხიო რამოსმა მომილოცა ჩვენი ნაკრების გამარჯვება ინსტაგრამის სტორზე” – წერს დვალიშვილი.
შეგახსენებთ, რომ საქართველოს ეროვნულმა საფეხბურთო ნაკრებმა 26 მარტს, “ერთა ლიგის” ფინალში საბერძნეთს 4:2 სძლია და ისტორიაში პირველად, ჩვენი გუნდი ევროპის ჩემპიონატზე იასპარეზებს.”ევრო 2024“-ზე საქართველოს ეროვნული საფეხბურთო ნაკრები თურქეთის, პორტუგალიისა და ჩეხეთის ნაკრებებს დაუპირისპირდება.
როგორც უკვე ცნობილია, “ევრო 2024“ გერმანიაში, 14 ივნისიდან 14 ივლისამდე გაიმართება, ფინალი კი ბერლინის “ოლიმპიაშტადიონზე” შედგება.
საქართველო-თურქეთის თამაში 18 ივნისს შედგება, ნაკრები ჩეხეთს 22 ივნისს დაუპირისპირდება, ხოლო პორტუგალიას – 26 ივნისს.