🎥,,ჩემს ვენებში ქართული სისხლი ჩქეფს“ – რა არის სამშობლო ილია თოფურიასთვის?

ხალხის უდიდესი სიყვარული, მადლიერება, ტაში და ღირსების ორდენი – UFC-ის ჩემპიონი დიდი გამარჯვების შემდეგ სამშობლოს ოჯახთან ერთად რამდენიმე დღით სტუმრობდა. მან ერთა ლიგის ნახევარფინალში, საქართველოსა და ლუქსემბურგის თამაშზე მატჩი გახსნა და “დინამო არენაზე” საჩემპიონო ქამარი წარადგინა. UFC-ის პირველი ქართველი ჩემპიონი კარგი რესპონდენტიცაა და ინტერვიუებზეც უარს არ ამბობს.

თოფურია ლელა წურწუმიას საავტორო გადაცემას- ,,მხოლოდ ლელასთანაც” ესტუმრა, რომლის ეთერშიც არაერთ საინტერესო კითხვას უპასუხა.
ესპანეთის მოქალაქეობის მიღების შემდეგ, ქართულ სოციალურ ქსელებში დისკუსია გააქტიურდა, იყო თუ არა ილია თოფურია ქართველი. რამდენად აღიქვამდა ოქროს ქამრის მფლობელი თავს ქართველად? ეს კითხვა ეთერში ლელა წურწუმიამაც დაუსვა:
-რა არის შენთვის სამშობლო?
-სამშობლო არის ჩემთვის ადგილი, რომელმაც მომცა კულტურა, ფასეულობები, მე ყოველთვის ვიძახი- რომ გამჭრა, ვენებში ქართული სისხლი ჩქეფს. ასე რომ, ყველაფერი.