პრეზიდენტმა სალომე ზურაბიშვილმა ათონელის რეზიდენციაში UFC-ის ქართველ ჩემპიონს ილია თოფურიას ღირსების ორდენი გადასცა.
აბსოლუტური საბრძოლო ჩემპიონატის (Ultimate Fighting Championship, UFC) გამარჯვებული ქვემსუბუქ წონაში, ქართველი პროფესიონალი მებრძოლი ილია თოფურია საქართველოში შერეული საბრძოლო ხელოვნების პოპულარიზაციის საქმეში შეტანილი განსაკუთრებული პირადი წვლილისა და წარმატებული სპორტული საქმიანობისთვის დაჯილდოვდა.
დაჯილდოების ცერემონია დღეს ორბელიანების სასახლეში გაიმართა და სახელმწიფო ჯილდო საქართველოს პრეზიდენტმა ილია თოფურიას პირადად გადასცა,” – წერია პრეზიდენტის ადმინისტრაციის მიერ გავრცელებულ ინფორმაციაში.
“საქართველოდან წავედი, როგორც ჩვეულებრივი მოქალაქე, დღეს ვბრუნდები და ასეთი სახის ტიტულს ვიღებ – ეს სიამაყით მავსებს” – განაცხადა ილია თოფურიამ დაჯილდოვებაზე.
ცერემონიამ სასახლეში პრემიერისა და პარლამეტის თავმჯდომარის გარეშე ჩაიარა. დღეს დილით გაირკვა, რომ პარლამენტის თავმჯდომარემ და პრემიერმა სალომე ზურაბიშვილს მიმართეს, რომ ჩემპიონისთვის ღირსების ორდენი გადაეცა.
დღეს ლუქსემბურგთან მატჩის წინ ილია თოფურია მოედანზე საჩემპიონო ქამარს წარადგენს.