UFC-ის ყოფილმა ესპანელმა მებრძოლმა, ხუან ესპინომ, Deportes SerEbro en los-სთან ინტერვიუში თქვა, რომ ესპანეთმა მხარი ესპანელ მებრძოლებს უნდა დაუჭიროს და არა ილია თოფურიას.
,,სიმართლე გითხრათ, ილია თოფურიასთან ახლო ურთიერთობა არ მაქვს. მასში ფაბრუციო ვერდუმის მსგავს ამბავს ვხედავ, როცა ესპანეთის პასპორტი ჰქონდა და შემდეგ ბრაზილიაში წავიდა. მას ილიასავით დიდ ყურადღებას აქცევდნენ, ხომ კარგად გახსოვთ? რასაც თოფურია აკეთებს ცუდი არ არის, მაგრამ სირცხვილია, როცა მის ფონზე სხვა მებრძოლებს ივიწყებენ.”
ყოფილი მებრძოლის თქმით, შესაძლოა ერთ დღესაც ილიამ ესპანეთის დროშით აღარ იასპარეზოს.
,,თოფურია ნამდვილად შესანიშნავი მებრძოლია, მაგრამ თუ ხვალ გადაწყვეტს, რომ ესპანეთის დროშა აღარ გამოფინოს და მხოლოდ საქართველო წარმოაჩინოს, ვერავინ გაამტყუნებს. მას აქვს უფლება გააკეთოს, რაც მოესურვება. მაგრამ ჩვენ ისეთ მებრძოლებს ვივიწყებთ, როგორებიც არიან: ჟოელ ალვარესი ან ან დანიელ ბარესი( UFC-ის მებრძოლები). ისინი კარგი ბიჭები არიან, მაგრამ არ აქვთ გავლენა, როგორც თოფურიას. მათ უფრო დიდი მხარდაჭერა უნდა ჰქონდეთ, რადგან ესპანეთში დაბადებული და გაზრდილი არიან”,- თქვა ესპინომ.