მესტიის მუნიციპალიტეტის საკრებულო სამწუხარო ინფორმაციას ავრცელებს:
“მესტიის მუნიციპალიტეტის საკრებულო მწუხარებას გამოთქვამს ქართველი მოქანდაკის, მხატვრისა და გრაფიკოსის, ვახტანგ ონიანის გარდაცვალების გამო.
ვახტანგ ონიანი გახლდათ საქართველოს დამსახურებული მხატვარი. ღირსების ორდენის კავალერი, არაერთგზის ოქროს მედლის მფლობელი, რომელიც მუდმივად მონაწილეობდა თბილისსა და მსოფლიოს სხვადასხვა ქალაქში მოწყობილ გამოფენებში და იყო თავისი საქმის უბადლო შემსრულებელი..
სვანეთში მისი ნამუშევრებია ,, ადგილის დედა” , მიხეილ ხერგიანის ბიუსტი ხერგიანის სახლმუზეუმთან და ,,მახშვი ბაბა”, რომელიც თეატრის შენობას ამშვენებს…
ღირსეულად განვლო მისი ცხოვრება ვახტანგ ონიანმა . ის ვალმოხდილი განეშორა წუთისოფელს
უფალმა დაუმკვიდროს ცათა სასუფეველი”