ილიას სახელმწიფო უნივერსიტეტი სოციალურ ქსელში სამწუხარო ინფორმაციას ავრცელებს.
“გარდაიცვალა ილიაუნის ემერიტუს პროფესორი კიაზო ფიცხელაური, ცნობილი არქეოლოგი, ისტორიულ მეცნიერებათა დოქტორი, კახეთის არქეოლოგიური ექსპედიციის ხელმძღვანელი.
მეცნიერის სახელს უკავშირდება უნიკალური აღმოჩენა – ძვ.წ. III ათასწლეულის მეორე ნახევრით დათარიღებული ოქროს ლომის მინიატიურული ქანდაკება, რომელსაც 1973 წელს ქ. წნორთან მიაკვლიეს.
კიაზო ფიცხელაური იყო რვა მონოგრაფიისა და 170-ზე მეტი სამეცნიერო ნაშრომის ავტორი. მისი სამეცნიერო ინტერესების სფერო მოიცავდა ბრინჯაოს ხანის კულტურათა გენეზისს, კავკასიის არქეოლოგიას და საქართველოში სახელმწიფოებრიობის სათავეების კვლევას არქეოლოგიური მასალების მიხედვით.
პანაშვიდი გაიმართება 20 მარტს, 17:00-დან 21:00 საათამდე, საბურთალოს წმ. ბარბარეს ეკლესიაში (ხილიანის ქუჩა, ბავშვთა ინფექციური საავადმყოფოს
მიმდებარე ტერიტორია), გამოსვენება – 21 მარტს, 14:00 საათზე.” – ვკითხულობთ განცხადებაში.