კურო
2024 წლის მარტის ბოლოსკენ ზოდიაქოს ამ ნიშნის წარმომადგენლებს დიდი სიახლეები და სასიამოვნო ცვლილებები ელის. ყველაზე მეტ ცვლილებას კი ფინანსური თვალსაზრისით ნახავთ. შესაძლოა, მოულოდნელი ჯილდო, საჩუქარი, ბონუსი, წახალისება მიიღოთ, გაამართლოს იმ საქმემ, რომელიც წამოიწყეთ, შემოსავლის გაზრდის დამატებითი შესაძლებლობები იპოვოთ – ნებისმიერ შემთხვევაში, თვის ბოლოსკენ შესაძლოა, თქვენი ეკონომიკური მდგომარეობა საგრძნობლად გაუმჯობესდეს და ოცნებების ასრულება შეძლოთ. (ასევე დაგაინტერესებთ: 2024 წლის 20 მარტს გაზაფხულის ბუნიობაა – რა უნდა გააკეთოთ ამ დღეს, რომ წარმატებას მიაღწიოთ და რასთან უნდა იყოთ ფრთხილად)
კირჩხიბი
2024 წლის მარტის ბოლოსკენ შესაძლოა, შეხვდეთ ადამიანს, რომელიც თქვენს ცხოვრებაში განსაკუთრებულ სიხარულსა და ბედნიერ დღეებს შემოიტანს, მოგცემთ მოტივაციას და დადებითი ენერგიით აგავსებთ. მეგობრებთან ერთად გასეირნებაზე, ღონისძიებებსა და მოგზაურობაზე უარს ნუ იტყვით. დიდი შანსია, თქვენთვის მნიშვნელოვან ადამიანს სწორედ იქ შეხვდეთ. წინ სასიამოვნო ნაცნობობა და თავგადასავალი გელით. ხოლო, თუკი ურთიერთობაში ხართ, საოცარ ჰარმონიას იგრძნობთ, მეორე ნახევარში კიდევ უფრო მეტ კარგ თვისებას აღმოაჩენთ და ცხოვრების ახალ თავს დაიწყებთ.
თხის რქა
2024 წლის მარტის ბოლოსკენ შრომისმოყვარე თხის რქებს ყველაფერში გაუმართლებთ, რაც მათ სულიერ კომფორტსა და განვითარებას ეხება. ყველა საქმე, რასაც წამოიწყებთ, იმაზე მარტივად გამოგივათ, ვიდრე ფიქრობთ. წარმატებას მიაღწევთ არსებულ საქმეებშიც, რაც თქვენს ფინანსურ მდგომარეობასაც გააუმჯობესებს. გარდა ამისა,შესაძლოა, საკუთარი თავის გარდაქმნა გადაწყვიტოთ, დაფიქრდეთ იმიჯის შეცვლაზე, გარდერობის განახლებაზე… ამ მიმართულებითაც შთაგონებას იპოვით და სასარგებლო ცვლილებებს დაგეგმავთ.
თევზები
შეიძლება ითქვას, რომ 2024 წლის მარტის ბოლო ზოდიაქოს ამ ნიშნის წარმომადგენლებისთვის გარდამტეხი ეტაპი იქნება, როცა საბოლოოდ დაემშვიდობებით ყველაფერს, რაც მოძველებულია, რაც ბედნიერებას აღარ განიჭებთ და რაზეც ფიქრობთ, რომ სასარგებლო აღარაა. ეს კი თავისუფლების შეგრძნებას მოგანიჭებთ, გაგიხსნით გზას ახალი იდეებისა და საქმეებისაკენ და ცხოვრების განახლებული ეტაპის დაწყებას შეძლებთ.