ბათუმში ავტოსაგზაო შემთხვევის შედეგად ერთი პირი გარდაიცვალა. 40 წლამდე ქალი კლინიკა “მედინას” მიმდებარედ ცენტრალურ საავტომობილო გზაზე ქვეითად გადაადგილდებოდა, რა დროსაც მას ავტომობილი დაეჯახა. შეჯახების შედეგად იგი ადგილზე დაიღუპა.
გარდაცვლილი დარინა ბოლქვაძეა. გარდაცვლილს 3 შვილი დარჩა. ცნობილი ხდება, რომ შემთხვევა იმ დროს მოხდა, როცა ქალი კლინიკაში შვილის სანახავად მიდიოდა.
მომხდარზე გამოძიება დაწყებულია სისხლის სამართლის კოდექსის 276-ე მუხლის მე-6 ნაწილის შესაბამისად, რაც გულისხმობს „ტრანსპორტის მოძრაობის უსაფრთხოების ან ექსპლუატაციის წესის დარღვევას“, რამაც ადამიანის სიცოცხლის მოსპობა გამოიწვია.
სამი შვილი დაობლდა – ცნობილია, ვინ არის ბათუმში ტრაგიკულად დაღუპული ქალი
