“მოსახლეობა თუ უარს…” – თენგიზ ცერცვაძე უმძიმეს პროგნოზებს აკეთებს

თუკი მოსახლეობა ვაქცინაციაზე უარს იტყვის, ინფექციური საავადმყოფოს დირექტორი მძიმე სცენარს პროგნოზირებს.

მისივე თქმით, მესამე ტალღა გარდაუვალი იქნება.

„თუ მოსახლეობა უარს ეტყვის მასობრივ ვაქცინაციას, გვაქვს შემდეგი პერსპექტივა. შემთხვევების რაოდენობა მოიმატებს, გარდაცვლილთა რაოდენობაც სამწუხაროდ მოიმატებს, გვექნება ის ავადსახსენებელი ტალღა, რომელიც ზოგიერთ ქვეყანაში უკვე დაიწყო და დანარჩენი ქვეყნები ევროპასა და ამერიკაში ელოდებიან.

ამას მოჰყვება ახალი შეზღუდვები, ეკონომიკის რეცესია, თითოეული ჩვენგანის პირობების გაუარესება და ყველაფერი ის, რაც მტკივნეულად გადავიტანეთ. მოსახლეობამ უნდა გააკეთოს არჩევანი.

მე ძალიან დიდი იმედი მაქვს, რომ ჩვენი მოსახლეობა გამოიჩენს მისთვის ჩვეულ სიბრძნეს და ეს სკეპტიციზმი იქნება დროებითი და ახლო მომავალში მოსახლეობა გააკეთებს სწორ არჩევანს “, – განაცხადა თენგიზ ცერცვაძემ „რუსთავი2-თან“ საუბრისას.

კომენტარები

0 კომენტარები