ქალმა ფრენისას ნაადრევად იმშობიარა. მგზავრებს შორის ერთ-ერთი ექიმი აღმოჩნდა, რომელაცქლი გართულებების გარეშე ამშობიარა.
Wizz Air-ის თვითმფრინავი იორდანიიდან ლონდონის მიმართულებით მიემგზავრებოდა. აფრენიდან მალევე ქალს ტკივილები დაეწყო. საბედნიეროდ, ადგილზე 28 წლის ექიმი, ჰასან ხანი იმყოფებოდა. იგი დიდ ბრიტანეთში შვებულებიდან ბრუნდებოდა.
მშობიარობა წარმატებით დასრულდა – გოგონა ჯანმრთელი დაიბადა, დედაც თავს კარგად გრძნობს. მათი დამატებითი უსაფრთხოებისათვის თვითმფრინავი იტალიაში დაეშვა, სადაც 28 წლის ქალი და ახალშობილი რამდენიმე დღით სამშობიაროში მოათავსეს.
„მე უბრალოდ ჩემი პროფესიული მოვალეობა შევასრულე. მას შემდეგ, რაც ყველაფერი კარგად დასრულდა, ხალხი ტაშს გვიკრავდა, ძალიან ამაყი ვიყავი. ბორტგამცილებლების როლი ამ ყველაფერში ძალიან დიდი იყო – მათ ადგილზე არსებული ყველანაირი ხელმისაწვდომი და საჭირო აღჭურვილობა უმოკლეს ვადებში მოაბილიზეს”, – ამბობს ექიმი.