“ეს კიდევ ერთხელ ასაჩინოებს იმას, თუ რა ინფორმაციულ ვაკუუმში ჰყავს ქართველი ერი შიოლაშვილს და რაზე დგას მისი სისტემის ძლიერება!” – ამის შესახებ დეკანოზი ილია ჭიღლაძე სოციალურ ქსელში წერს.
“ერთი კვირის წინ ძალიან მნიშვნელოვანი, ისტორიული ჩანაწერი და ინტერვიუ შედგა ეპისკოპოს ქრისტეფორე წამალაიძესთან ი. ხვიჩიას გადაცემაში “საქართველოს დაბადება”. ფაქტობრივად ახალი არაფერი უთქვამს მეუფე ქრისტეფორეს, რასაც აქამდეც მრავალი წლის მანძილზე საგაზეთო ინტერვიუებში ისედაც ამბობდა, მაგრამ სამწუხაროდ ხალხის დიდმა ნაწილმა ეს საგაზეთო ინტერვიუები არ იცის და სენსაციური სიახლე იყო მათთვის ეპისკოპოსის მიერ მოყოლილი ისტორიები ამ ვიდეო გადაცემაში.
რა თქმა უნდა, ეპისკოპოსმა ქრისტეფორემ რაც მოყვა ქართულ ეკლესიაში არსებულ ვითარებაზე, ყველაფერი არის ფაქტოლოგიური ჭეშმარიტება, რაც მრავალი დოკუმენტით მტკიცდება და თავად ეპისკოპოსი ქრისტეფორე არის ცოცხალი მოწმე ამ ყველაფრისა. სამწუხაროა, რომ
აქამდე არცერთი ტელევიზია არ დაინტერესდა რომ მასთან
ასეთი ვრცელი ინტერვიუ ჩაეწერათ. ამ მხრივ იაგო ხვიჩიას მასთან ჩაწერილი ინტერვიუ არის ისტორიულ-დოკემენტური მნიშვნელობისა. არადა მეუფე ქრისტეფორე წამალაიძე 17 წელიწადი იყო წმ. სინოდის წევრი (1979-1995 წწ.), ორი წელიწადი იყო პატრიარქის ქორეპისკოპოსი (1979-1980 წწ.), ამდენად როგორც უმაღლესი იერარქი და საპატრიარქოს ყოფილი მაღალჩინოსანი ძვირფასი წყარო და მოწმეა, ახლა ფანატიკოსმა იმბეცილებმა გინდ სქიზმატი უწოდონ, გინდ სექტანტი, გინდ სატანისტი, მნიშვნელობა არ აქვს და სასაცილოა მხოლოდ. სამწუხაროდ, ასეთი გადაცემის ჩაწერა ვერ მოესწრო ყოფილ მიტროპოლიტ გაიოზ კერატიშვილთან, ყოფილ მთავარეპისკოპოს ამბროსი ქათამაძესთან, რაც ქართული ტელევიზიების სირცხვილია და დიდი დანაკლისი საქართველოს უახლესი ისტორიის წყაროებისთვის. ხვიჩია, რომ ტრადიციულად აზრზე არ იყო სასაუბრო თემატიკის, ამას დიდ მნიშვნელობას აღარ ვანიჭებ, მთავარია რესპოდენტის მოთხრობილი მოგონებები, რაც ასევე აღმოჩენა იყო მრავალი ქართველისთვის. ეს კიდევ ერთხელ
ასაჩინოებს იმას, თუ რა ინფორმაციულ ვაკუუმში ჰყავს ქართველი ერი შიოლაშვილს და რაზე დგას მისი სისტემის ძლიერება! ანუ უვიცობა, უცოდინრობა ეკლესიაში არსებული ვითარებისა და უახლესი ისტორიისა!!!”