სასტიკ მკვლელობაში ბრალდებული 24 წლის ახალაგაზრდა 17 წელს ციხეში გაატარებს. მეორე ფიგურანტის განაჩენი ჯერ არ დამდგარა. საქმე ეხება კახეთში ერთი წლის წინ მომხდარ გახმაურებულ მვლელობას.
ახალგაზრდა მამაკაცის ცხედარი სოფელ ველისციხეში, მკვლელობიდან ოთხი თვის შემდეგ იპოვეს. გამოძიების ინფორმაციით, გიორგი მირზაშვილს ლითონის საგნით ჯერ სასტიკად სცემეს, შემდეგ გაგუდეს, ცხედარი ჭაში ჩააგდეს, ქვები დააყარეს და ჩააბეტონეს. საზარელ დანაშაულში ბრალდებული ორი პირიდან ერთ-ერთს, გიორგი სულხანიშვილს თელავის რაიონულმა სასამართლომ 17 წლით თავისუფლების აღკვეთა შეუფარდა.
“გვამი ჩავდეთ ავტომობილის საბარგულში, ჭაში ჩავაგდეთ, მოვაყარეთ ცემენტი და დავასხით წყალი”
გამოძიების ვერსიით, მკვლელობის მოტივი 1700 ლარია, რომელსაც გიორგი სულხანიშვილი თავის ცოლის ძმასთან, უშანგი ბერძენიშვილთან ერთად მირზაშვილისგან ითხოვდა. სწორედ სულხანიშვილს ეკუთვნის სახლი ველისციხეში, სადაც 25 წლის მამაკაცი რუსთავიდან მოტყუებით ჩაიყვანეს და სასტიკი მეთოდით მოკლეს.