19 მარტი ყოფილი პრემიერ-მინისტრის, გიორგი გახარიას დაბადების დღეა.
გადადგომის შემდეგ გიორგი გახარია საჯაროდ არსად გამოჩენილა და არც მის ოფიციალურ გვერდს განუხორციელებია აქტივობა, თუმცა ამის მიუხედავად სოციალურ ქსელებში გახარიას დაბადების დღეს ათასობით მოქალაქე ულოცავს.
სოციალურ ქსელებში გახარიას გულშემატკივრების აქტივობა მკვეთრად შესამჩნევია.
მხარდამჭერები მილოცვებს წერენ გახარიას ოფიციალურ გვერდზე, პირად გვერდებზე, საჯარო ჯგუფებში, კომენტარებში, განსაკუთრებით კი ცნობილი სელფის ფოტოზე.
სოციალური ქსელის მომხმარებლები გახარიასადმი დამოკიდებულებას მისი ფოტოების, გამონათქვამების, ვიდეოკოლაჟების გავრცელებით გამოხატავენ.
აღსანიშნავია, რომ მოქალაქეები აქტიურად იყენებენ ჰეშთეგს #გახარიაHB
