საქართველოს ნაკრებისა და “ნაპოლის” ვარსკვლავმა, ხვიჩა კვარაცხელიამ ზედიზედ მესამე შეხვედრაში გაიტანა და მისი გუნდი საბა საზონოვის „ტორინოსთან“ საშინაო შეხვედრაში დააწინაურა.
სერია A-ს 28-ე ტურის შეხვედრაში, რომელიც „სტადიო მარადონაზე“ გაიმართა, ხვიჩა კვარაცხელიას შესვენებამდე ორი რეალური საგოლე მომენტი ჰქონდა, მაგრამ ორივეჯერ „ტორინოს“ მეკარემ, ვანია მილინკოვიჩ-სავიჩმა მშვენიერი რეაქცია გამოავლინა.
კვარამ ბოლო 3 თამაშში მინიმუმ 1 გოლის გატანა შეძლო და უკვე 10 გოლი დაუგროვდა.
კვარაცხელია, რომელიც პოზიციით ფორვარდი არ არის, ბომბარდირთა სიაში დაწინაურდა და მე-6 ადგილს იკავებს.
“კვარასგან ამას აღარ ელოდნენ. სეზეონის მეორე ნახევარში დაბრუნდა ძველი კვარა და თუ ასეთი ტემპებით გააგრძელებს მარტინესის შემდეგ მეორე საუკეთესო ბომბარდირი იქნება” – წერს ნეაპოლური გამოცემა.