“თურმე გოგის კოცნა უთხოვია და ეს წყენია იმ ქალს” – წულაიას ადვოკატი

გოგი წულაიას ორთვიანი წინასწარი პატიმრობა შეეფარდება. აღმკვეთი ღონისძიება ცოტა ხნის წინ თბილისის სასამართლომ მიიღო. რასაც დაცვის მხარე არ ემხრობა.

„ეს ნიშნავს, იმას, რომ გოგი წულაია, არის პოლიტიკური ნიშნით დევნის მსხვერპლი. ის სასამართლოზე სიტყვით გამოვიდა და განაცხადა, რომ არათუ სექსუალურ ძალადობას, შეთავაზებასაც კი არ ქონია ადგილი. ეს გამოჩნდა იმ ჩანაწერებში, რომელიც დღეს იქნა სასამართლოში წარდგენილი. რაც წავიკითხეთ წერილში თურმე გოგის კოცნა უთხოვია და ეს წყენია იმ ქალს. კოცნის თხოვნა თუ სექსუალური ძალადობა იყო არ ვიცოდი“, – ამბობს ადვოკატი ვალერი გელბახიანი.

პოლიტიკური პარტია „თავისუფალი საქართველოს“ ყოფილი თანათავმჯდომარე გოგი წულაია თბილისში, 17 მარტს დააკავეს. მას ქალზე ძალადობას ედავებიან. გამოძიება თავდაპირველად სისხლის სამართლის 126-ე მუხლით იყო აღძრული. თუმცა 138-ე მუხლით გადაკვალიფიცირდა.