ბაია პატარაია პრეზიდენტმა ღირსების მედლით დააჯილდოვა – ამის შესახებ ინფორმაციას ბაია პატარაია სოციალურ ქსელში ავრცელებს და პრეზიდენტ სალომე ზურაბიშვილს ჯილდოსთვის მადლობას უხდის.
“მადლობა პრეზიდენტს ასეთი დაფასებისთვის ❤️
ეს ღირსების მედალი ეკუთვნის ყველა ქალს და ყველა გოგოს, ვინც დღეს ქალების უფლებების დასაცავად იბრძვის. მადლობა ჩემ თანამებრძოლებს, აქტივისტებს, ფემინისტებს, საფარის ძვირფას თანამშრომლებს, ქალთა მოძრაობის წევრებს, ფემინისტების დამოუკიდებელი ჯგუფის წევრებს და მადლობა ჩემ უახლოეს მეგობრებს და ოჯახის წევრებს თანადგომისთვის 🥰” – წერს უფლებადამცველი ბაია პატარაია სოციალურ ქსელში.