“მთვრალი იყო და რუსულად იგინებოდა, მანდვე მჯდომ გოგოს ავიწროებდა”- მოქალაქე ავრცელებს ინფრომაციას, თუ რატომ იჩხუბეს ქართველმა და რუსმა ბორტზე. როგორც მგზავრები წერენ, გერმანიიდან ქუთაისში წამოსულ თვითმფრინავში ჩხუბი ატყდა, ადამიანები ერთმანეთს ურტყამდენენ. ინფორმაცია მგზავრებმა “მეტრონომს” მიაწოდეს.
მგზავრებს შორის ფიზიკური დაპირისპირების გამო, ავიაკომპანია “ვიზეარის” მემინგენი-ქუთაისის რეისი რუმინეთში ავარიულად დაეშვა.
აღნიშნულ ფაქტთან დაკავშირებით, საზოგადოების აზრი ორად იყოფა. ბორტზე მყოფთა ნაწილის აზრით, სხვა მგზავრების დაბრკოლება არ უნდა მომხდარიყო, რადგან ზოგს ეჩქარებოდა და ბავშვთან ერთად იმყოფებოდა თვითმფრინავში.
გამოცემის წყაროს თქმით, დაპირისპირება ქართველ და რუს მგზავრებს შორის მოხდა, რა დროსაც, რუსეთის მოქალაქემ ფიზიკური დაზიანებები მიიღო.
თვითმფრინავის დაშვების შემდეგ მხარეები ბორტიდან პოლიციის თანხლებით ჩაიყვანეს.
