გერმანიაში, მოხუცთა თავშესაფარში გაჩენილ ხანძარს 4 ადამიანი ემსხვერპლა, დაშავებულია 21 ადამიანი, – ამის შესახებ Euronews-ი წერს.
შემთხვევა ჩრდილოეთ რაინ-ვესტფალიას მხარეში, ბედბურგ-ჰაუს მოხუცთა თავშესაფარში მოხდა. შენობიდან 50-მდე ადამიანის ევაკუაცია განხორციელდა. ხანძრის ლიკვიდაცია მალევე შეძლეს, თუმცა მეხანძრე-მაშველები შემთხვევის ადგილზე რამდენიმე საათი მუშაობდნენ.
დაღუპულთა ვინაობა ჯერჯერობით არ საჯაროვდება. ხანძრის გამომწვევ მიზეზს გამოძიება დაადგენს.