ნინოწმინდის მუნიციპალიტეტში, სოფელ განძასთან ავტოსაგზაო შემთხვევა მოხდა. შემთხვევის ადგილზე მისულ სასწრაფო სამედიცინო დახმარების ჯგუფს ერთი ადამიანი დაღუპული დახვდა. ოთხი დაშავებული სამედიცინო დაწესებულებაში გადაიყვანეს.
,,სამხრეთის კარიბჭის” ინფორმაციით, სამედიცინო დაწესებულებაში გადაყვანის შემდეგ, კიდევ ერთი პირი გარდაიცვალა. ექიმების თქმით, მისი ჯანმრთელობის მდგომარეობა მძიმე იყო.
დაშავებულთაგან ორს მსუბუქი დაზიანებები აღენიშნებოდათ და სამედიცინო დაწესებულებიდან მალევე გაეწერეს.
მომხდარზე შსს–მ გამოძიება სსკ–ს 276–ე მუხლის მე–8 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.
დანაშაული ისჯება თავისუფლების აღკვეთით ვადით ექვსიდან ათ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.