სერია ა-ს 27-ე ტურში “ნაპოლიმ” “იუვენტუსს” უმასპინძლა და 2:1 დაამარცხა.
ანგარიში 43-ე წუთზე ხვიჩამ ულამაზესი გოლით გახსნა, 81-ზე ფედერიკო კიეზამ გაათანაბრა, 7 წუთში კი შჩესნიმ ოსიმენის დარტყმული 11-მეტრიანი მოიგერია, თუმცა რასპადორიმ ყველას დაასწრო და “იუვეს“ მეორე გოლი გაუტანა.
კვარაცხელიამ მოედანზე 90+3 წუთი გაატარა. ის 93-ე წუთზე შეცვალეს.
ქართველის ანგარიშზე მიმდინარე სეზონში ცხრა გოლია.
Calciomercato – 7.5 ქულა: “ყოველთვის არაპროგნოზირებადი. როდესაც ბურთს იღებდა, მუდმივად მეტოქეებისთვის ხიფათს წარმოადგენდა. რამდენიმე წუთში ორი ყვითელი ბარათი გამოიმუშავა, შემდეგ ანგარიში გახსნა ჰაერიდან ლამაზი დარტყმით”.
Eurosport – 7 ქულა: “მასზე ჯარიმდებოდნენ, ყოველთვის კარს უმიზნებდა და თამაშს ცვლიდა. პირადი მოქმედების შედეგად კარშიც დაარტყა, მაგრამ შჩესნიმ აჯობა. შემდეგ ანგარიში გახსნა ერთი შეხებით გატანილი გოლით. მეორე ტაიმში ნაკლებად შესამჩნევი იყო, თუნდაც იმიტომ, რომ ვეას შეკავებითაც იყო დაკავებული”.
Sportmediaset – 7 ქულა: “პირველივე წუთებიდან დაიწყო მის წინააღმდეგ ჯარიმების დაგროვება და მეტოქეების ყვითლებით დატვირთვა. მეტოქეს მუდმივად უმიზნებდა, ქმნიდა მომენტებს როგორც ყოველთვის და ამჯერადაც გაიტანა გოლი, ზედიზედ მეორედ ჩემპიონატში. როგორ? მარჯვენა ფეხით ჰაერიდან, შჩესნის რიკოშეტის წყალობითაც აჯობა”.