კახეთში 13 წლის გოგოსა და 16 წლის ბიჭს ეძებენ. როგორც სოფელში ამბობენ, რომ ისინი ოჯახის შექმნის მიზნით გაიპარნენ.
იორმუღანლოში მეორე დღეა ორ არასრულწლოვანს ეძებენ. მოზარდები 28 თებერვლის შემდეგ არავის უნახავს. ადგილზე ჰყვებიან, რომ 13 წლის გოგო და 16 წლის ბიჭი მეზობლები არიან და მათ ერთმანეთი უყვარდათ.
“ჩემი შვილი 13 წლის არის და როგორ შეიძლება მაგის გათხოვება. ვფიქრობ მოიტაცეს. მაგ ოჯახს ჩემი შვილი რძლად უნდოდათ და არ გავატანეთ. პოლიციამ ვეძებთო, მაგრამ სად არიან ამდენი ხანი. არა მგონია თავისი ნებით გაჰყოლოდა” – ამბობს გოგოს მამა.
სოფელში ამბობენ, რომ ისინი ოჯახის შექმნის მიზნით გაიპარნენ. გოგოს ოჯახი კი ამბობს, რომ მათ შვილს გათხოვება არ უნდოდა და შესაძლოა ის მოიტაცეს.
ფაქტზე გამოძიება 143 -ე თავისუფლების უკანონო აღკვეთის მუხლით მომდინარეობს.
წყარო – ambebi.ge