“ბრალდებული თბილისში წინა ღამით ჩამოვიდა…” – ახალი დეტალები ლილოში მომხდარი სასტიკი მკვლელობის შესახებ

ქეთი ჯავახიშვილის მკვლელობაში ბრალდებული ოთარ ცინდელიანი პოლიციამ ზუგდიდში დააკავა.

არსებული ინფორმაციით, თბილისში ჯავახიშვილის მკვლელობის წინა ღამეს ჩამოვიდა.

რა გახდა მკვლელობის მოტივი ამ დრომდე უცნობია. სხვადასხვა ვერსიებზე საუბრობენ.

ცინდელიანის წინააღმდეგ გამოძიება 109-ე, განსაკუთრებული სისასტიკით ჩადენილი განზრახ მკვლელობის მუხლით მიმდინარეობს. დანაშაული 16-დან 20 წლამდე ან უვადო თავისუფლების აღკვეთას ითვალისწინებს.

შეგახსენებთ, 22 წლის ქეთი ჯავახიშვილის ცხედარი სამგორში, წინაუბნის დასახლებაში გუშინ დილით, მამამ იპოვა.