როგორც „მეტრონომისთვის“ ცნობილი ხდება, UFC-ს მებრძოლის, მერაბ დვალიშვილის, მშობლები, ჯანმრთელობის მდგმარეობის გაუარესების გამო, კლინიკაში იყვნენ გადაყვანილი.
ჩვენს ხელთ არსებული ინფორმაციით, ეს განპირობებული იყო ნერვიულობის ნიადაგზე, რომელიც ვანელი მებრძოლების, დვალიშვილისა და ავთანდილ ხურციძის, იგივე „ჩაქუჩას“, დაპირისპირებამ გამოიწვია.
აღნიშნულ ამბავზე გარკვეული ცნობები თავად მერაბ დვალიშვილმაც გაავრცელა სოციალურ ქსელში.
„გამარჯობათ მეგობრებო! როგორც იცით, ჩემს მიმართ ბოროტი ადამიანებისგან წამოვიდა ცილისმწამება და აბსურდული ბრალდებები, რაც ჩემი სახელისა და რეპუტაციის შელახვას ისახავს მიზნად. დასანანია, მაგრამ ეს ჩემმა ოჯახმა, ნათესავებმა და გულშემატკივრებმა მტკივნეულად გადაიტანეს. ჩემს მშობლებს ნერვიულობის ნიადაგზე სერიოზული ჯანმრთელობის პრობლემები დაეწყოთ. აქამდე ვიკავებდი თავს და არ მინდოდა ამ პროვოკაციებზე საჯაროდ პასუხის გაცემა. ეხლა კი იძულებული ვარ, მოგმართოთ და დაგამშვიდოთ. ვინც მე მიცნობს ემიგრაციასა და საქართველოში, ყველამ კარგად იცის, რომ მე არასდროს არ ჩამიდენია ისეთი საქციელი, რაც შეარცხვენდა ჩემს გვარს, ჩემს ოჯახსა და ჩემს სამშობლოს. მე არასდროს, ჩემს სიცოცხლეში, არცერთ ბრალდებულის საქმეზე არ დავუკითხივარ პოლიციას. არ მიმიცია ჩვენება არავის წინააღმდეგ და არსდროს ვყოფილვარ მოწმე სასამართლოში. ყოველთვის, რითაც შემეძლო გვერდში ვედექი გაჭირვებულ ადამიანს, როგორც ძმა და როგორც მეგობარი. ყველაფერი, რაც ჩემზე ითქვა, არის საშინელი ცილისწამება. არ ვაპირებ დეტალებზე საუბარს და ვფიქრობ, რომ სოციალური ქსელები არ არის ის ადგილი, სადაც შეიძლება პასუხი გავცე ამ ბინძურ კამპანიას.
გთხოვთ ყველას შეინარჩუნოთ სიმშვიდე და არ აყვეთ პროვოკაციებს. მე მართალი ვარ ჩემი ოჯახის, ჩემი კაცობის, სამშობლოსა და ღმერთის წინაშე…!“, – წერს ის.