ზუგდიდის რეფერალური საავადმყოფოდან ინფიცირებული პაციენტი გაიქცა.
შუახნის ქალმა კლინიკას ინტოქსიკაციის ნიშნებით მიმართა, მას გეგმიური გამოკვლევით კორონავირუსი დაუდასტურდა, რის შემდეგაც კლინიკიდან გაიქცა.
“პაციენტი არ დაემორჩილა უსაფრთხოების ნორმებს, პირბადის ტარებას თუ სხვა წესს, რის შემდეგაც კლინიკა თვითნებურად დატოვა. შემდეგ ვაცნობეთ პოლიციას”, – აცხადებენ ევექსის საზოგადოებასთან ურთიერთობის სამსახურში.
გაქცეული პაციენტი საპატრულო პოლიციის თანამშრომლებმა ბოტანიკური ბაღის მიმდებარედ დააკავეს.
არსებული ინფორმაციით, ინფიცირებული ქალი სამედიცინო დაწესებულებაში დააბრუნეს.