სოციალური ქსელის მომხმარებელი ნინო ენუქიძე გერმანიის კონკურსში ირანელი ქალის, ქალთა უფლებადამცველის გამარჯვების გარშემო ატეხილ კრიტიკას ეხმიანება.
“სირცხვილია ეს აჟიოტაჟი.
არცერთი ადამიანი არ უნდა ფასდებოდეს გარეგნობით.
არც გარეგნობა უნდა ფასდებოდეს ვიღაც ჟიურის სტერეოტიპული მოსაზრებებით.
,,MISS” და ,,MR” კონკურსები რომ უგემოვნებო მოვლენაა, ამაზე ნუ ვიკამათებთ.
გერმანიამ საინტერესო რეფორმა გაუკეთა კონკურსს 2019 წელს, როცა შეფასების კრიტერიუმად არა გარეგნობა, არამედ ვინაობა შემოიტანა. სწორედ ამიტომ შეირჩა ეს ქალი, ქალთა უფლებების დამცველი, აქტივისტი, დედა და დარწმუნებული ვარ, არაერთისთვის ლამაზი ადამიანი.
ეს მათთვის, ვისაც ფასეულობების კომპასი აქვს არეული”–წერს ნინო ენუქიძე.