საქართველოს კალათბურთელთა ნაკრებმა ევრობასკეტი 2025-ის შესარჩევ ეტაპზე მეორე მატჩი გამართა, „თბილისი არენაზე“ მსოფლიოს ვიცე-ჩემპიონს, სერბეთს ეთამაშა და დაძაბულ ბრძოლაში 63:73 დამარცხდა.
ევროპის ჩემპიონატზე გასასვლელად საქართველოს სჭირდება ჯგუფში სერბეთის ან დანიის გადასწრება. მეოთხე გუნდი, ფინეთი, მასპინძელია და ფინალში გასვლა გარანტირებული აქვს. ევრობასკეტზე კი ოთხიდან სამი გუნდი გადის.
19 ქულით მატჩის ბომბარდირი თორნიკე შენგელია გახდა, ჯო ტომასონს 13 ქულა ჰქონდა. სერბეთის ნაკრებში კი 16 ქულით გუდურიჩი გამოირჩა. ეს იყო 217-ე მატჩი გიორგი ცინცაძისთვის, რომელმაც სანაკრებო კარიერა სწორედ სერბეთთან მატჩით დაასრულა.