“ასრულდება მისი ცხონებული მამის ნატვრა, რომ გვარის გამგრძელებელი ჰყოლოდა!”– დეკანოზი მეუფე გიორგი ჯამდელიანთან დაკავშირებით ახალ ინფორმაციას ავრცელებს

დეკანოზი ილია ჭიღლაძე სოციალურ ქსელში გავრცელებულ ინფორმაციას ეხმიანება, რომლის თანახმადაც,მარნეულისა და ჰუჯაბის ეპისკოპოსი   მეუფე გიორგი ჯამდელიანი სამ თვეში შვილს ელოდება.

“ღმერთმა ჰქნას! ასრულდება მისი ცხონებული მამის ნატვრა რომ გვარის გამგრძელებელი ჰყოლოდა!”– წერს დეკანოზი ილია ჭიღლაძე.

მარნეულისა და ჰუჯაბის ეპისკოპოსის გარშემო სკანდალია. არსებული ინფორმაციით, მაგდა ჯაფარიძე უკვე რამდენიმე თვეა სინოდის წევრის, მღვდელმთავარი გიორგი ჯამდელიანის მეუღლე გახდა და თანაცხოვრება ერთად დაიწყეს. ინფორმაციას მეუფე გიორგის დაქორწინების შესახებ,  მეუღლის ოჯახი და ახლობლები  არ უარყოფენ. მეტიც, მესტიაში ჩასულ ჩვენ გადამღებ ჯგუფს უდასტურებენ რომ გოგოს ოჯახი, განსაკუთრებით კი ეპისკოპოსის სიდედრი ნელი ნავერიანი, რომელიც მესტიის მერის მოადგილეა, მილოცვებს იღებს.

თეოლოგები ამბობენ რომ ეს საეკლესიო წესდების დარღვევაა, რადგან ბერად აღკვეცილ მაღალ სასულიერო პირს – სჯულის კანონი ქორწინებაში ყოფნას კატეგორიულად უკრძალავს.