გლდანში შვილმა მამა 12 წლის შვილის, მისი ძმის თანდასწრებით გაიმეტა სასიკვდილოდ. ამის შემდეგ სახლი დატოვა და დანაშაულის იარაღით, დანით, ეზოში გაიქცა.
მეზობლების თქმით, ახალგაზრდა მამაკაცი შემდეგ უკან, სახლში მიბრუნდა და იქ ელოდებოდა სამართალდამცველების მოსვლას. ირკვევა, რომ დანაშაულის თვითმხილველმა 12 წლის მოზარდა დარეკა 112-ში და სწორედ მან შეატყობინა პოლიციას მომხდარი დანაშაულის შესახებ.
ამის შემდეგ სამართალდამცველები ადგილზე მივიდნენ, სასწრაფო დახმარების ბრიგადამ დაჭრილი მამაკაცი კლინიკაში გადაიყვანა, თუმცა მისი გადარჩენა ვერ მოხერხდა. სავარაუდოდ, მამას, რომელსაც ყელში ჰქონდა დანა დარტყმული, სისხლისგან დაიცალა.
მკვლელობის მოტივად ადგილობრივები 28 წლის მამაკაცის მძიმე ფსიქოლოგიურ მდგომარეობას და მამა-შვილს შორის ურთიერთშელაპარაკებას ასახელებენ.
არტერია იყო გაწყვეტილი, სამზარეულოს დანა დაარტყაო ასე თქვეს და სისხლისგან აქვე დაიცალა. ბიჭი სახლში ელოდებოდა პოლიციელებს. ჯერ დაბლა ჩამოვიდა, მერე ეტყობა გვიან გააანალიზა, რაც ქნა და უკანვე აბრუნდა ეგრევე. 112-ში მეორე შვილმა დარეკა, პატარაა, 12 წლისაა, სახლშ ყოფილა მაგ დროს, შეესწრო ამ ყველაფერს. ეს მამა მალიარი, ხელოსანი კაცი იყო. ეს ბიჭი კიდე არ მუშაობდა მგონი, მე მაგის მუშაობა არ გამიგია და ძირითადად ამ თემაზე ჩხუბობდნენ, უმუშევრობაზე”, – ამბობენ ადგილობრივები.
28 წლის ბიჭი უკვე დაკავებულია. საქმეში ერთადერთი თვითმხილველი და ოქროს მოწმე კი 12 წლის მოზარდია, სწორედ მან უნდა უთხრრას ახლა გამოძიებას, თუ რა მოხდა და რატომ გაიმეტა მისმა ძმამ მამა მოსაკლავად.
მომხდარზე გამოძიება 109-ე მუხლით მიმდინარეობს.
საბედისწერო შემთხვევის ადგილზე საგამოძიებო მოქმედებები მიმდინარეობს და ექსპერტ კრიმინალისტები ამ დრომდე მუშაობენ.