თბილისის საერთაშორისო აეროპორტში გერმანიიდან დეპორტირებული ქართველების თვითმფრინავი დაეშვა.
“მთავარი არხის” ინფორმაციით, ბორტზე საქართველოს რამდენიმე ათეული მოქალაქე იმყოფება. მათ შორის არიან ქართველები, რომლებიც გერმანიაში სამკურნალოდ იყვნენ წასული.
ამჯერადაც ქართველების დეპორტაცია გერმანიიდან ბერლინის ახალ გადაწყვეტილებას უკავშირდება, რის მიხედვითაც, გერმანიამ საქართველო და მოლდოვა უსაფრთხო ქვეყნების სიაში შეიყვანა.
ოფიციალური ბერლინის განცხადებით, ამ ქვეყნების მოქალაქეების სამშობლოში დევნა არ ემუქრება.