“ვინ აგებს პასუხს, 16, 17, 18 წლის ბავშვების გაუბედურების გამო?! ეს არის კრიმინალური დანაშაული” – ამის შესახებ სოციალურ ქსელში სასულიერო პირი პეტრე კოლხი წერს.
“ვინ აგებს პასუხს, 16, 17, 18 წლის ბავშვების გაუბედურების გამო?! ეს არის კრიმინალური დანაშაული. მოზარდი, რომელიც ასაკობრივ პრობლემას ვერ აგვარებს და ხშირად მინასტერს მიაშურებს, იქნებ ვინმემ სწორი მიმართულება მისცეს, იქ აბსოლუტურად ენგრევა ფსიქიკა, უარესი გავეშებული ბრუნდება შინ, იღებს საბედისწერო გადაწყვწტილებას და ერთ თვეში ანაფორით შემოსილი სხვას უწყებს მორალის კითხვას, რადგან ,,წმინდა მამები” ეუბნებიან, რომ შენი მარადიული გადარჩენისთვის, ბერად უნდა აღიკვეწო აუცილებლად. გამოუცდელ, დაბნეულ მოზარს ეს სიტყვები ჭეშმარიტება ჰგონია და სანამ გაიაზრებს რა ჩაიდინა, უკვე ბერის მანტიით დაიარება მონასტრის ეზოში, სასოწარკვეთილი… მერე იწყება ნამდვილი ჯოჯოხეთი, მრისხანება, შურისძიება, უსიყვარულობა, რადგან თავს მსხვერპლად მიიჩნევს. ყველას არ ჰყოფნის ვაჟკაცობა, აღიაროს საკუთარ თავთან მისი მცდარი ნაბიჯი და თავად ხომ იტანჯება, ტანჯავს მასთან მისულსაც და სრულიად არაადექვატური რჩევებით აუბედურებს ადამიანებს…
ვინ არის დამნაშავე? წესით ეს კითხვა არც უნდა გაგიჩნდეთ, მაგრამ გიპასუხებთ, ის, ვინც ბავშვებს აურია თავ-გზა…
ზოგი გამორბის, ცოლი მოჰყავს, ზოკი კიდევ უარესებს აკეთებს… ვინმეს ადარდებს და აინტერესებს ეს მდგომარეობა?! ცხადია, არავის!… მთავარია ვინმემ არ გაიგოს, დანარჩენი წყალსაც წაუღია!…
აი, რა არის მთავარი პრობლემა, აი, საიდან უნდა მოხდეს გამოსწორება!…
ნუ გვაყრით თვალში ნაცარს, ნუ გვაბრმავებთ… თქვენ გადამკიდეს, ორი თვალი არა, მესამეც ამეხილა და მადლობა ამისთვის!..”