სრულიად საქართველოს კათოლიკოს-პატრიარქი, ილია მეორე ლეგენდარული მოჭიდავის, ლევან თედიაშვილის გარდაცვალებასთან დაკავშირებით სამძიმრის წერილს აქვეყნებს.
“დიდი გულისტკივილით ვემშვიდობებით გამორჩეულ პიროვნებას, დიდ ქართველსა და ლეგენდარულ მოჭიდავეს, – ბატონ ლევან თედიაშვილს.
ჩვენი ხალხის მეხსიერებაში, მრავალ სპორტულ მიღწევასთან ერთად, იგი დარჩება ვაჟკაცობის სიმბოლოდ, როგორც ეს ფილმებში, – ,,ხარება და გოგია“ და ,,მეოთხე ბრაიტონშია“.
შევთხოვთ ღმერთს, სავანესა მართალთასა დააწესოს მისი უკვდავი სული, ხოლო ოჯახის წევრებს, ახლობლებსა და გულშემატკივართ მოანიჭოს ლოცვის ძალა და განამტკიცოს რწმენამ იმისა, რომ გარდაცვალება არ არის სიცოცხლის დასასრული, არამედ დასაწყისია მარადიული, ჭეშმარიტი ცხოვრებისა, რომლისთვისაც ყველანი უნდა ვემზადებოდეთ.
ილია II
სრულიად საქართველოს
კათოლიკოს-პატრიარქი” – ნათქვამია წერილში.