პირველად მსოფლიო ისტორიაში NASA-მ ქართველი ჰიპერრეალისტი მხატვრის, ბრუნო ვეფხვაძის ნახატის „რომაული გაზაფხულის“ ციფრული ასლი მთვარეზე გაგზავნა. პლანეტათაშორისი სადგური მთვარეზე 22 თებერვალს დაჯდება.
„ამ ნახატმა ჩემი სახელოსნოდან კოსმოსამდე ძალიან დიდი გზა გაიარა, პირველ რიგში, უნდა აღვნიშნო ამერიკული საერთაშორისო სახელოვნებო და საგანმანათლებლო ორგანიზაცია ხელოვნების აღორძინების ცენტრი, რომელიც ყოველ წელს ატარებს მსოფლიოში ყველაზე მასშტაბურ და ყველაზე პრესტიჟულ კონკურსს. კონკურსში ათასობით ხელოვანი მონაწილეობს. სწორედ ამ კონკურსში გამარჯვებამ გაუხსნა გზა ჩემს ნახატს ჯერ „სოთბიზე“, სადაც წარმატებით მიიღო მონაწილეობა და უკვე ორიოდე დღის წინ გაემგზავრა მთვარეზე“, – განაცხადა გადაცემა „შაბათ-კვირის დილაში“ მხატვარმა ბრუნო ვეფხვაძემ.
თავად ნახატი Sotheby’s აუქციონზე 28 000 დოლარად გაიყიდა.
იხილეთ ვიდეო