თურქულმა ავიაკომპანია „პეგასუსმა“ ხელბარგის დასაშვები წონა შეამცირა.
თუკი ადრე მგზავრს ბორტზე 8 კილოგრამამდე წონის ხელბარგის ატანა შეეძლო, ახლა, ბილეთის ყიდვისას ვკითხულობთ, რომ მაქსიმალური წონა სამი კილოგრამია.
გამოცემა Avianews აღნიშნავს, რომ 2024 წლის 13 თებერვლამდე შეძენილი ყველა ბილეთისთვის ხელბარგის წონისა და ზომის წინანდელი ნორმები მოქმედებს.
ხელბარგის დასაშვები წონა სამი კილოგრამი იქნება, ბილეთის ღირებულების მიუხედავად. ხელბარგის დასაშვები მაქსიმალური ზომაა 40/30/15 სანტიმეტრი.
„პეგასუსს“ სხვადასხვა მიმართულებით ფრენებისთვის აქტიურად იყენებენ საქართველოს მოქალაქეებიც.