“ასეთი გამოცდილების მქონე ქალბატონი იქნება ჩემი მასწავლებელი ამ გზაზე” – დომენიკ მანგო ეკა ბესელიაზე

“ასეთი გამოცდილების მქონე ქალბატონი იქნება ჩემი მასწავლებელი ამ გზაზე” – აქტივისტი და ბლოგერი დომენიკ მანგო პოლიტიკოს ეკა ბესელიაზე წერს.

“პოლიტიკის სახელმძღვანელო არ არსებობს, მაგრამ არსებობენ კარგი პოლიტიკოსები… იმისთვის, რომ პოლიტიკური ცოდნა მივიღო და იმ სივრცის კარი შევაღო, რომელიც ჯერ ჩემთვის უცნობია – მივიღო გამოცდილება და მქონდეს მზაობა წინ გადადგმული ნაბიჯებისთვის, ქალბატონი ეკა ბესელია • Eka Beselia, თავისი მრავალწლიანი გამოცდილებით, ჯერ კიდევ ოპოზიციიდან ქუჩაში ღამეების თენებით (ნაციონალური მოძრაობის წინააღმდეგ), შემდეგ კი მთავრობის ფორმირებით, კანონის მსახურებით, ისტორიული ნაბიჯებით და ცვლილებებით, ადამიანების უფლებებზე ზრუნვით, ევროპის გზის მსახურებით, სამართლიანი სასამართლოსთვის ურყევი ბრძოლით და შემდეგ უკვე ამ სასამართლოს გამო იგივე (ქართული ოცნების) მთავრობის წინააღმდეგ შემობრუნებით – ასეთი გამოცდილების მქონე ქალბატონი იქნება ჩემი მასწავლებელი ამ გზაზე. ვიმეორებ: ის არის ჩემი მასწავლებელი, რომელიც დამეხმარება იმ რისკების, მიდგომების და სხვა რიგი საკითხების გაცნობიერებაში, რაც ამ სივრცეში ჩემი შესვლის შემდეგ მოსალოდნელი იქნება. მე ძალიან ამაყი ვარ, რომ ეს ნათელი თვალების ადამიანი, რომელსაც არც ერთხელ უკან არ დაუხევია, ჩემი მასწავლებელია და ზურგს გამიმაგრებს თავისი გამოცდილებით. ესეც დღევანდელი შეხვედრის სურათები”