მე მინდა, რომ პუტინმა და მისმა გარემოცვამ, მისმა მეგობრებმა და მთავრობის წევრებმა იცოდნენ: ისინი პასუხს აგებენ იმაზე, რაც გაუკეთეს ჩვენს ქვეყანას, ჩემს ოჯახსა და ჩემს მეუღლეს. ეს დღე ძალიან მალე დადგება, – ამის შესახებ რუსი ოპოზიციონერის, ალექსეი ნავალნის მეუღლემ, იულია ნავალნაიამ მიუნხენის უსაფრთხოების კონფერენციაზე სიტყვით გამოსვლისას განაცხადა.
„მე მინდა, რომ პუტინმა და მისმა გარემოცვამ, მისმა მეგობრებმა და მთავრობის წევრებმა იცოდნენ: ისინი პასუხს აგებენ იმაზე, რაც დამართეს ჩვენს ქვეყანას, ჩემს ოჯახსა და ჩემს მეუღლეს. ეს დღე ძალიან მალე დადგება. მოვუწოდებ მთელ საერთაშორისო თანამეგობრობას, ამ დარბაზში მყოფ ყველა პირს, გავერთიანდეთ და დავამარცხოთ ეს ბოროტება, ეს საშინელი რეჟიმი, რომელიც ახლა რუსეთშია. ამ რეჟიმმა და პირადად პუტინმა უნდა აგონ პასუხისმგებლობა ყველა იმ საშინელებაზე, რაც დამართეს ბოლო წლებში რუსეთს“, – განაცხადა იულია ნავალნაიამ.
რუსეთის ფედერალური სასჯელაღსრულების სამსახურის ცნობით, 16 თებერვალს ალექსეი ნავალნი იამალის ნახევარკუნძულზე მდებარე კოლონიაში გარდაიცვალა. უწყების მტკიცებით, ნავალნიმ თავი ცუდად იგრძნო და გონება დაკარგა, რის შემდეგაც მედიკოსებმა მას რეანიმაციული ღონისძიებები განახორციელეს, მაგრამ მისი გადარჩენა ვერ შეძლეს. ნავალნი 47 წლის იყო.