რუსული მედია აქვეყნებს რუსი ოპოზიციის ლიდერის ალექსეი ნავალნის დედის ლიუდმილა ნავალნაიას მიერ სოციალურ ქსელში გამოქვეყნებულ პოსტს, რომელშიც ის წერს:
“არ მინდა სამძიმრის სიტყვების მოსმენა. 12 თებერვალს პაემანზე ვიყავით. ვნახეთ შვილი კოლონიაში, ცოცხალი იყო, ჯანმრთელი, ბედნიერი“.
რუსეთის ფედერალური სასჯელაღსრულების სამსახურის ცნობით, 16 თებერვალს ალექსეი ნავალნი იამალის ნახევარკუნძულზე მდებარე კოლონიაში გარდაიცვალა. უწყების მტკიცებით, ნავალნიმ თავი ცუდად იგრძნო და გონება დაკარგა, რის შემდეგაც მედიკოსებმა მას რეანიმაციული ღონისძიებები განახორციელეს, მაგრამ მისი გადარჩენა ვერ შეძლეს. ნავალნი 47 წლის იყო.