დეკანოზი გიორგი მამალაძე პატიმრობიდან გაათავისუფლეს. ინფორმაციაა სოციალურ ქსელში, დეკანოზის ძმამ, თორნიკე მამალაძემ გაავრცელა.
მეტი ინფორმაციის გასაგებად, „პრაიმტაიმი“ თორნიკე მამალაძეს დაუკავშირდა:
„გიდასტურებ, რომ უკვე დატოვა საპატიმრო. დეტალები არ ვიცი. ახლა რეანიმობილით, ქობულეთისკენ მოდის…“- თქვა თორნიკე მამალაძემ.
დეკანოზი გიორგი მამალაძე 2017 წლის 10 თებერვალს თბილისის საერთაშორისო აეროპორტში დააკავეს და მას პატრიარქის მდივან – რეფერატის, შორენა თეთრუაშვილის მოწამვლის მომზადების მცდელობა დასდეს ბრალად. „ციანიდის საქმეში“ მკვლელობის მომზადების მცდელობისა და იარაღის უკანონო შენახვა-ტარებისთვის მას 9 წლით თავისუფლების აღკვეთა მიესაჯა. თბილისის სააპელაციო სასამართლომ განაჩენი ძალაში დატოვა, ხოლო უზენაესმა სასამართლომ წარმოებაში არ მიიღო.