რუსთავის ე.წ. სტამბული ბაზარზე შეიარაღებული თავდასხმის შედეგად გარდაცვლილები დღეს დაკრძალეს.
იმ ადგილას, სადაც მკვლელობა მოხდა სანთლები დაანთეს. წერს „ინფო რუსთავი“
ცნობისთვის, დღეს რუსთავში, ე.წ. სტამბოლის ბაზრობის ტერიტორიაზე შეიარაღებულმა პირმა ცეცხლი გახსნა. სროლის შედეგად გარდაიცვალა 4 პირი, მათ შორის ერთ-ერთი ბრალდებულის ბიძაა, რომელიც აღნიშნულ ბაზარში იყო დასაქმებული. ხოლო ერთი პირი, ბრალდებულის ბიძაშვილი, დაიჭრა.
შსს-ის ცნობით, ბაზრის ტერიტორიაზე რამდენიმე გასროლა განახორციელა 1988 წელს დაბადებულმა გ.ო.- მ. სამართალდამცველებმა გ.ო. შემთხვევის ადგილზე დააკავეს. სასამართლომ მას აღკვეთი ღონისძიების სახით პატიმრობა შეუფარდა.
„ტვ პირველის“ წყაროს ცნობით, მამაკაცს კონფლიქტი ჰქონდა ბიძასთან, რომელმაც სამსახურიდან გაუშვა და, შურისძიების მიზნით, თავს დაესხა მას.
არსებული ინფორმაციით, კაცი, რომელიც ოთხი ადამიანის მკვლელობაშია მხილებული, ფსიქიატრიულ დაწესებულებაში მკურნალობდა. ეჭვმიტანილმა კლინიკა ორი თვის წინ დატოვა.