პრემიერ-მინისტრი ირაკლი კობახიძე სოფელ ნერგეეთში, სტიქიის ზონაში ჩავიდა.
“ძალიან დიდი ტრაგედია მოხდა, მივუსამძიმრეთ დაღუპულების ოჯახის წევრებს. გავეცანით ვითარებას. მიმდინარეობს სტიქიის შედეგების სალიკვიდაციო სამუშაოები“ – განაცხადა კობახიძემ.
ბაღდათის სოფელ ნერგეეთში მეწყერი 7 თებერვალს გვიან ღამით ჩამოწვა, რის შედეგადაც ცხრა ადამიანი დაიღუპა. სტიქიის ზონაში გარდაცვლილ ორ ადამიანს დღეს დაკრძალავენ.