გუშინწინ, ღამით, ბაღდათის მუნიციპალიტეტში მეწყერი ჩამოწვა.
სოფელ ნერგეეთში დაიღუპა 8 ადამიანი, 1-ს კი ამ დრომდე ეძებენ.
ადგილზე მობილიზებულია როგორც ცოცხალი ძალა, ასევე მძიმე ტექნიკა. სტიქიის ზონაში დაბალი ხილვადობის გამო წუხელ გვიან ღამით შეწყვეტილი სამძებრო სამუშაოები დღეს დილიდან აქტიურად გრძელდება.
მეწყრულ ზონასთან ახლოს მცხოვრები 7 ოჯახი უსაფრთხო ადგილასაა გადაყვანილი.