ბაღდათში, სტიქიის ზონაში ტყუპი დების დაღუპვა დადასტურდა. ინფორმაციას “მთავარი არხი” ავრცელებს.
მაშველებმა ორი ცხედარი ცოტა ხნის წინ იპოვეს. ამ დროისთვის,დაღუპულთა რიცხვი რვამდე გაიზარდა.
შეგახსენებთ, რომ ბაღდათის მუნიციპალიტეტის სოფელ ნერგეეთში მეწყერი გვიან ღამით ჩამოწვა, რანაც 4 სახლი მოიყოლა. ამ დროისათვის არსებული ოფიციალური ინფორმაციით, მიწის მასის ქვეშ მოყოლილი 10 ადამიანიდან 8 მათგანი დაიღუპა. გადარჩენილია ერთი ადამიანი, რომელიც ამ დროისთვის კლინიკაშია გადაყვანილი. მაშველები მიწის მასაში კიდევ 1 ადამიანს ეძებენ.
ოფიციალური ინფორმაციით, ნერგეეთში მეწყერის სიმაღლე 30 მეტრია, მეწყრული მასის საორიენტაციო მოცულობა კი 150 000 მ3-ს შეადგენს.